this is for Anna Hazare

Anna Tujhe Salaam Anna Tujhe Salaam.
Her Zaat Bandhano Se Oonchaa Tera Muqaam,
Jisko Bhi  Aaj Dekhiye Leta Hai Tera Naam,
Khaadi Ki Kya Majaal Bigaade Jo Tera Kaam,
Her Shakhsh Pareshaan Hai Pene Ko Tera Jaam,
Anna Tujhe Salaam Anna Tujhe Salaam.
Darte Hain Tujh Ko Rahzan O Fasaadi,
Roke Se Na Ruk Paaiegi Hergiz Teri Aandhi,
Sab Log Keh Rahe Hain Tujhe Aaj Ka Gaandhi,
Lokpaal Bill Ka Tune Ham Ko Diya Inaam,
Anna Tujhe Salaam Anna Tujhe Salaam.
Haathon Me Shamaa Le Ke Nikal Aaie Hain Ghar Se,
Wo Log Jo Khhaamosh Thhe Netaaon Ke Dar Se,
Ummeed Hai Ab Sab Ko Faqat Tere Hi Dar Se,
Awaam Ne Ab Maan Liya Tujh Ko Hi Imaam,
Anna Tujhe Salaam Anna Tujhe Salaam.
Tu Aaj Sab Ke Dil Me Mehmaan Ho Gaya,
Ye Mulk Aaj Tujh Pe Qurbaan Ho Gaya,
Her Fard Aaj Tera Qadardaan Ho Gaya,
Sab Ki Zubaan Pe Aaj Hai Bas Ek Hi Kalaam,
Anna Tujhe Salaam Anna Tujhe Salaam.
Saad ul aziz