Aankhon mein khwaab na honthon pe tarane..

Aankhon mein khwaab na honthon pe tarane..
Kahun mai kya ye khuda bhi na jane..
Zabaan pe larkhrahat aur dil mein bechaini..
Kaise sunaoo unhein iss dil ke fasane..
Unse milne ki ghari jane kab aayegi..
Na wo karte ishare na hume aate bahane..
Share-shaam hote hee hum raah niharte hain..
Kab aaenge wo dil mein shamma jalane..
Sone se pehle har-roz duaa karte hain ..
Kaash chupke se aajate wo mere sirhane..
Humne tauba karli hai jane se maikhana..
Ab tou unki aankhon se hee bharte hain paimane..
Tabassum se unki din kaat liya karte the..
Ab tou wo hum par bhi lage hain sitam dhane..
Nasamajh hain wo kaise samjhaye unhein..
Mohabbat mein kya-kya kar lete hai deewane..
Sehra mein kab se beqarar hai saad..
Chor de tarpana ab aaja meri bahon mein samane.....
Saadul aziz