Saturday, 19 May 2012
Apni Qalm Se Usko Khhatawaar Kyon Likhun,
Apni Qalm Se Usko Khhatawaar Kyon Likhun,
Achhchha Bhala Jo Ho Oose Beemaar Kyon Likhun.
Tum Jisko Chaaho Usko Mai Ghhadaar Kyon Likhun,
Har Aire Ghhaire Shakhhs Ko Sardaar Kyon Likhun.
Na Likhkhun Kabhi Kuchh Mujhe Mujhe Manzoor Hai Lekin,
Phoolon Ki Tahniyon Ko Mai Talwaar Kyon Likhun.
Nafrat Ugal Raha Hai Jo Qaaghhaz Pe Raat Din,
Us Shakhhs Ko Bhala Mai Qalamkaar Kyon Likhun.
Ye Din Bhi Faaqa Faaqa Jab Kat Gaya To Bolo,
Mai Idd Ko Holi Ko Tyohaar Kyon Likhun.
Futpaath Pe Guzarti Hai Thhathh Se Hamaari,
Phir Zindagi Ko Apni Dushwaar Kyon Likhun.
Usne To Bahut Pahle Aagaah Kar Diya Tha,
Ab Mai Bhi Ho Gaya Hun Taiyyar Kyo Likhun..
Saad.......
Saturday, 5 May 2012
Kabhi Ghazal To Kabhi Mahtaab Likhkhoon Oose...
Kabhi Ghazal To Kabhi Mahtaab Likhkhoon Oose,
Ji Me Aata Hai Puraani Sharaab Likhkhun Oose.
Jiski Taabeer Hi Mumkin Nahi Kisi Bhi Tarah,
Sochta Hoon K Mai Ab Aisa Khhwaab Likhkhun Oose.
Do Ghadi K Liye Daulat Ne Kya Dastak De Di,
Wo Chaahta Hai K Izzatmuaab Likhkhun Oose.
Do Ek Tasweer Kya Shaayaa Huie Akhhbaron Me,
Hukm Deta Hai K Aalijanaab Likhkhun Oose.
Wahi Jo Shahar Me Taarikiyon Ka Simbal Hai,
Uski Khhwahish Hai K Ab Aftaab Likhkhun Oose.
Usne Tahreer Me Likh Poochhi Hai Qeemat Meri,
Koie Bataaie K Ab Kya Jawaab Likhkhun Oose.
Wahi Topi,Wahi Achkan,Wahi Ruaab Saad,
Ji To Karta Hai K Ab Bhi Nawaab Likhkhun Oose.
Saad....
Subscribe to:
Posts (Atom)