Saturday, 25 February 2012
Zindaginaamaa-----
Muhaale Jaan Huie Mujh Pe Zindagi Meri,
Mujhe Bas Kosti Rahti Hai Zindagi Meri.
Raham Ki Bheekh Ki Khhatir Khadaa Hoon Kis Dar Pe,
Kahaan Le Aaie Mujhe Aaj Zindagi Meri.
Maut Paitaane Khadi Gidgidaa Rahi Hai Mere,
Huei Hai Kis Qadar Ab Dheethh Zindagi Meri.
Duaa Kisi Ki Mujhe Rokti Hai Bujhne Se,
Kise Azeez Hai Maula Ye Zindagi Meri.
Zara Bhi Dikhti Nahi Aaj Mujh Me Halchal Kyun,
Kya Mujh Se Roothh Gaie Aaaj Zindagi Meri.
Samajh Na Paaie Ye Duniya K Pech O Khham Ko Kabhi,
Hai Kitni Aaj Bhi Masoom Zindagi Meri,
Innhi Andhero Se Niklega Aftaab Saad,
Dilaasa Mujh Ko Dilaati Hai Zindagi Meri.
Subscribe to:
Post Comments (Atom)
No comments:
Post a Comment