Saturday, 25 February 2012
Roshan Chiraagh Us Ko Bujhaane Ka Shauq Hai...
Roshan Chiraagh Us Ko Bujhaane Ka Shauq Hai,
Hanste Huae Rukhhon Ko Rulaane Ka Shauq Hai.
Bas Ek Hawis Me Jodta Rahta Hai Botlen,
Peene Ka Shauq Hai Na Pilaane Ka Shauq Hai.
Ek Wo Hai Jo Bas Jodta Rahta Hai Zar Zameen,
Ek Mai Hoon Jis Ko Sirf Ganwaane Ka Shauq Hai.
Kis Haal Me Hain Waarise Shohda Kise Khhabar,
Haan Pandarah Augast Sab Ko Manane Ka Shauq Hai.
Dhul Jaanien Paap Bhi,Nahi Is Se Gharaz Unnehe ,
Haan Ganga K Tat Pe Ja K Nahaane Ka Shauq Hai.
Hai Mezbaani Kya Use Itna Kahaan Shaoor,
Bas Bheed Dar Pe Apne Lagaane Ka Shauq Hai.
Ye Aur Baat Unko Na Pahne Kabhi Saad,
Lekin Lebaas Mahenge Mangaane Ka Shauq Hai.
Subscribe to:
Post Comments (Atom)
No comments:
Post a Comment