Thursday, 26 April 2012
Khandar To Ho Gaie Lekin Emaarat Ab Bhi Baaqi Hai...
Khandar To Ho Gaie Lekin Emaarat Ab Bhi Baaqi Hai,
Deewaaron Pe Likhi Teri Ebaarat Ab Bhi Baaqi Hai.
Ghadi Ki Sooieyon Ne Kar Diya Us Ko Bada Kitna,
Magar Aankhon Me Jhaanko To Sharaarat Ab Bhi Baqi Hai.
Kabhi Dahkaaie Thee Tune Jo Chingaari Mohabbat Ki,
Tapish Kam Ho Gaie Uski,Haraarat Ab Bhi Baaqi Hai.
Zaroorat Unki Puri Karte Karte Ho Gaya Boodha,
Magar Bachche Hain K Unki Zaroorat Ab Bhi Baaqi Hai.
Alag Ye Baat K Wo Dab Gaya Haalaat Se Apne,
Nigaahon Me Magar Uske Heqaarat Ab Bhi Baaqi Hai.
Chale Aao K Kaarobare Ulfat Kuchh Badhe Aage,
K Tere Mere Milne Ka Muhurat Ab Bhi Baaqi Hai.
Shifa Mil Jaaiega Na Umr Dekho Tum Saad Uski,
K Dhalti Umr Hai Lekin Mahaarat Ab Bhi Baaqi Hai.
Saad....
Subscribe to:
Post Comments (Atom)
No comments:
Post a Comment