Wednesday, 7 March 2012
Bade Gharaano Me Ab Tarbiyat Nahi Milti...
Bade Gharaano Me Ab Tarbiyat Nahi Milti,
Wo Pahle Jaisi Kaheen Unsiyat Nahi Milti.
Ghuli Ghuli Si Ghutan Hai Hawa Me Chaaro Taraf,
Kaheen Bhi Jaao Magar Aafiyat Nahi Milti.
Kisi Se Jodnaa Rishtaa Kahaan Aasaan Yahaan,
Kaheen Khhameer Kaheen Haisiyat Nahi Milti.
Mai Poochh Poochh K Ab Thak Gaya Hoon Mere Khhuda,
Kaheen Se Unki Koie Khhairiyat Nahi Milti.
Hamaare Khhoon Se Rangte Na Haath Wo Apne,
To Unko Aaj Ye Maqbooliyat Nahi Milti.
Ghururo Fakhhr Jo Rakhte Hain Milki Hone Ka,
Unnhee Gharano Me Ab Milkiyat Nahi Milti.
Agar Wo Jaante Halaat Is Tarah Honge,
Saad Ham Ko Ye Jamhuriyat Nahi Milti.
saad....
Subscribe to:
Post Comments (Atom)
No comments:
Post a Comment